دەفتەری ئەرکی ماڵەوە
لەم دەفتەرەدا ئەوە هەیە کە، خوێندکار چی ڕاهێنانێك بۆ چی وانەیەک ئەبێت ئەنجام بدات. هەروەها ئەکرێت تەواوی بەشداری کردنەکانی دایك و باوکی تێدا بێت. ڕاهێنانی ماڵەوە، موعد، تێبینی و کەرەستە پێویستەکان هەمووی لێرەدا دیاری کراوە. دایکان و باوکان ئەبێت ڕۆژانە پێداچوونەوە بە دەفتەری ڕاهێنانەکاندا بکەن. هەموو حەفتەیەك لە پەڕەیەکی ئەم دیوو ئەو دیوو تێدا دانراوە. ئەرکەکان، بۆ نموونە ، چوارشەمە وانەی زمانی ئەڵمانی تێدا دانراوە، پێویستە تا ئەوکاتە تەواو بکرێت. بۆ ڕۆژێك زیاتر لە چەند ڕاهێنانی ماڵەوە دانراوە، پێویستە کاتی زیاتری بۆ تەرخان بکرێت بۆ تەواو کردنیان.
لەبەشی ڕاست و چەپی هەر لاپەڕەیەکدا هەموو ڕۆژێک کات و وانەکان دەبینرێت. وە هێما کورتکراوەکان لێرەدا ئەتوانن بخوێننەوە و بزانن
لە بەشی سەرەوەدا بەروار و ڕۆژەکانی تەواوی حەفتەی تێدا دانراوە.
بۆنموونە دووشەمە : کاتژمێری یەکەم پشوو، لێرەدا خوێندکار پێویستە دوای ۲ کاتژمێر ئامادەبێت لە قووتابخانە. هەموو ڕاهێنان و چاوپێکەوتنەکان( موعد) لەم ڕۆژەدا ژمێردراوە، لەو شوێنەی کە دەستنیشان کراوە.
هێماکانی وەكو بۆ نموونە " AH S.27 N 2 a, b" پیشان دەدرێت، کە ڕاهێنانێک تەواو کرابێت. لێرەدا قۆناغ بە قۆناغ ڕوون دەکرێتەوە، کە ئەو ووشە نهێنیە مانایی چیە:
- AH واتە دەفتەری بەکارهێنان لە قووتابخانە.
- S کورتکراوەیەکە هێمایە بۆ لاپەڕەکان( کتێب یان دەفتەر).
- 27 ژمارەی لاپەڕەکان پیشان ئەدات، لە کوێ ڕاهێنانەکان هەیە.
- N واتا ژمارە ، وەك ژمارە 2 لە لاپەڕەی ناوبراو بەوشێوەیە.
- A,B بە مانای ئەوەدێت ، کە تەنها ئەو دوو ڕاهێنانە کە بە ژمارە ناونراوە ئەنجام بدرێت!
چەند هێما و کورتکراوەیەکی دیکەی گرنگ بۆ کەرەستەکانی مامۆستا:
- B بۆ ئاماژەکردن بە کتێب دانراوە
- LB بۆ ئاماژەکردن بە کتێبی دەرس دانراوە
- AB بۆ ئاماژەکردن بە "وەرەقەی ڕاهێنان" دانروە. کەچەند کاغەزێکە، بەشێوەیەکی جیاواز دابەش دەکرێت.
کاتەکانی وەکو نمایشێکی وەرزشی یاخود گەشت و گوزار هەندێکجار بە شێوازێکی جیاواز ڕائەگەیەنرێت.
چەند هێماو کورتکراوەیەکی دیکەی گرنگ ، کە ئەبێت بیزانن:
- "LK" دانراوە بۆ "توانای پێداچوونەوە" ( تاقیکردنەوەیەکی کەم بە نووسین و قسەکردن).
- " KA" دانراوە بۆ "ڕاهێنانی ناو پۆل" ( تاقیکردنەوەیەکی درێژخایەن لەسەر کاغەز).
- "Unt" دانراوە بۆ " ئیمزاکردن" لەو جێگەیە پێویستە بەڕێزت بەڵگەکان و بابەتەکان پێداچوونەوەی پێدا بکەیت و ئیمزای لەسەر بکەیت.
- "Ber" دانراوە بۆ " ڕاستکردنەوە (تصلیح) " لەوێدا دەبێت منداڵەکەت هەڵەکان لە ناو ڕاهێنانێک یاخود لەو شوێنەی پێداچونەوەی پێداکراوا ڕاست بکاتەوەو تەواوی بکات.
ئەو تێبینیانەی بە پێنووسی سوور نوسراون ، لەلایەن مامۆستای پۆلەوە بەزۆری دێن. ئەمانە چەند تێبینی و زانیاریەکن لەسەر هەڵسوکەوت و سلوکی منداڵ، نەبوونی کەرەستەیەکی خوێندن یاخود پەیام و داواکاریە لە دایك و باوك.